काठमाडौं । जय ट्रफी एलिट कपको उपाधि नेपाल पुलिस क्लबले जितेको छ ।
बिहिबार वीरगञ्जस्थित नारायणी क्रिकेट मैदानमा जारी फाइनल खेलमा त्रिभुवन आर्मी क्लबलाई २८ रनले हराउँदै पुलिस विजेता बनेको हो ।
१०३ रनको लक्ष्य पछाएको आर्मी क्लब २९.२ ओभरमा ७४ रनमा अलआउट भयो ।
आर्मीका लागि इम्रान शेखले २८रन बनाउँदा बिनोद भण्डारी र सोमपाल कामीले ११-११ रन बनाए। अन्य खेलाडीले दोहोरो अंक जोड्न सकेनन्।
पुलिसका लागि सागर ढकाल र ललित राजवंशीले कसिलो बलिङ गरे। ढकालले ६ र राजवंशीले चार विकेट लिए।
