काठमाडौं । आईसीसी यू–१९ टी–२० महिला विश्वकपको पहिलो खेलमा नेपाल पराजित भएको छ ।
शनिबार मलेसियामा भएको पहिलो खेलमा नेपाल बङ्गलादेशविरुद्ध ५ विकेटले पराजित भएको हो । नेपालले दिएको ५३ रनको सामान्य लक्ष्य बङ्गलादेशले १३.२ ओभरमा ५ विकेट गुमाउँदै पूरा गरेको हो ।
बङ्गलादेशका लागि सदिया इस्लामले सर्वाधिक १६ रन जोडिन् भने कप्तान सुमैया अक्तरले १२ रन बनाउँदा असिमा इरा ९ रनमा नटआउट रहिन् ।
नेपालकी कप्तान पूजा महतो, रिया शर्मा, सिमाना केसी र रचना चौधरीले समान एकएक विकेट लिए ।
यसअघि टस हारेर पहिला ब्याटिङ गरेको नेपालले १८ दशमलव दुई ओभरमा सबै विकेट गुमाएर ५२ रन मात्रै बनाउन सक्यो ।
नेपालका लागि ओपनर साना प्रविनले १९ रन बनाइन् भने सिमाना केसीले १० रन जोडिन ।
बङ्गलादेशका लागि जनाथन माओलाले दुई विकेट लिइन् भने अनिसा सोवा, फोयोमोदी चोया र निशीता अख्तरले समान एक÷एक विकेट लिए ।
