काठमाडौं । यू–१९ महिला विश्वकपमा नेपाल अष्ट्रेलियासँग पनि पराजित भएको छ ।
बुधबार मलेसियामा भएको खेलमा नेपाल अष्ट्रेलियासँग ८३ रनले पराजित भएको हो । पराजित भएसंगै नेपाल विश्वकपबाट बाहिरीएको छ ।
अष्ट्रेलियाले दिएको १४० रनको लक्ष्य पछ्याएको नेपालले २० ओभर खेलेर ८ विकेट गुमाउँदै ५६ रन मात्र बनाउन सक्यो ।
नेपालका लागि कप्तान पूजा महतोले १८ रन बनाइन् । अन्य खेलाडीले राम्रो खेल्न सकेनन् ।
अष्ट्रेलियाका लागि हसरत गिल र जुलियट मोर्टनले २–२ विकेट लिइन् ।
यसअघि अष्ट्रेलियाले २० ओभर खेलेर ६ विकेटको क्षतिमा १३९ रन बनाएको थियो ।
नेपालका लागि पूजाले ३ विकेट लिइन् ।
सीमाना केसीले लगातार २ विकेट लिइन् भने रिया शर्माले १ विकेट लिइन् ।
