असोज २४, दोलखा । आज बाट कालिन्चोक गाउँपालिकामा वडा स्तरीय पुरुष भलिबल प्रतियोगिता सुरु भएको छ ।
पालिकाकै वडा नं. ३ मा रहेको खेलकुद समितिको मुख्य आयोजनमा पोखरेमा सुरु भएको प्रतियोगिताको पालिका अध्यक्ष बिन कुमार थामी र वडा अध्यक्ष निशान बुढाथोकीले उद्घाटन गर्नुभएको हो । 
प्रतियोगितामा प्रथम हुने टोलीले नगद ३० हजारसहित शिल मेडल प्रमाण पत्र र दोस्रो हुने टोलीले २० हजार रुपैयाँ नगद सहित सिल मेडल प्रमाणपत्र , तेस्रो हुने टोलीले १० हजार रुपियाँ नगद र सिल मेडल र प्रमाणपत्र प्राप्त गर्ने छन् ।
आज बाट सुरु भएको यो प्रतियोगितामा पालिका भित्रका १० वटा टिमले सहभागिता जनाएका छन् भने आउँदो २६ गते सम्म यो खेल जारी हुने वडा अध्यक्ष निशान बुढाथोकीले जानकारी दिनुभयो । 
