काठमाडौं । नेपाली बजारमा दुइ दिनदेखी लगातार बढेको सुनको मुल्य बिहिबार पनि बढेको छ ।
बिहिबार सुनको मूल्य तोलामा १६ सय रुपैयाँले बढेर प्रतितोला एक लाख ६८ हजार ५ सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।
बुधबार सुन एक लाख ६६ हजार ९ सय रुपैयाँमा कारोबार भएको थियो ।
त्यसैगरी आज चाँदीको मूल्य पनि बढेको छ । बिहिबार चाँदी प्रतितोला ५ रुपैयाँले बढेको हो । महासंघको अनुसार आज चाँदी एक हजार ९ सय ८० रुपैयाँमा कारोबार भईरहेको छ । बुधबार चाँदी प्रतितोला एक हजार ९ सय ७५ रुपैयाँमा कारोबार भएको थियो ।
