काठमाडौं । महिला टी–२० आई क्रिकेट शृंखलामा युगाण्डालाई हराउँदै नेपाल विजयी भएको छ ।
आइतबार युगाण्डामा भएको खेलमा युगाण्डालाई १ विकेटले हराउँदै नेपाल विजयी भएको हो ।
७५ रनको लक्ष्य पछाएको नेपालले १९.५ ओभरमा ९ विकेट गुमाउँदै लक्ष्य पूरा गरेको हो ।
नेपालका लागि ओपनर साना प्रविणले १७ रन बनाउँदा पूजा महताले १६ रन जोडिन् । रुविना क्षेत्रीले १० रन बनाइन भने अन्य खेलाडीले दोहोरो रन छुन सकेनन् ।
त्यसअघि टस हारेर नेपालविरुद्ध पहिले ब्याटिङ गरेको युगाण्डाले २० ओभरमा ७ विकेट गुमाउँदै ७५ रन बनाएको थियो ।
युगान्डाका लागि इम्माकुलेट नाकिसुयीले २२ र स्टेफानी नामपिनाले १४ रन तथा मलिसाले ११ रन जोडिन् ।
नेपालका लागि पुजा महतोले ३ तथा इन्दु बर्माले २ विकेट लिए ।
