काठमाडौं । महिला टी–२० आई क्रिकेट शृंखलामा नामिबियाले नेपाललाई १२६ रनको लक्ष्य दिएको छ ।
बुधबार युगाण्डामा जारी खेलमा टस हारेर ब्याटिङ गरेको नामिबियाले२० ओभरमा ८ विकेट गुमाउँदै १२५ रन बनाएको हो ।
नामिबियाको लागि यसमीन खानले ४५ रन बनाउँदा अरस्ता डिएरगार्टले १६ र विल्का एम्वाटिलले २० रन बनाइन् ।
त्यसैगरी नेपालको लागि इश्वरी विष्टले ३ विकेट लिएकी थिइन् भने रचना चौधरीले २ तथा इन्दु बर्मा र रिया श्रेष्ठले एक एक विकेट लिएका थिए ।
