काठमाडौं । रचिन रविन्द्र र कप्तान रितुराज गाइकाडको अर्धशतक सहयोगमा मुम्बइ इण्डियन्सलाई पराजित गर्दै चेन्नइ सुपर किंग्सले इण्डियन प्रिमियर लिग (आईपीएल) मा विजयी सुरुवात गरेको छ।
आइतबार राति भएको खेलमा मुम्बईलाई ४ विकेटले पराजित गर्दै सुपर किंग्सले आइपीएलमा विजयी सुरुवात गरेको हो। १ सय ५६ रनको लक्ष्य पाएको चेन्नईले ५ बल अगावै ६ विकेट गुमाउँदै लक्ष्य पुरा गरेको हो ।
चेन्नइका लागि ओपनर रचिन र कप्तान रितिराजको अर्धशतक खेले । ओपनर रचिन ६५ रनमा अविजित रहे भने रितिराजले ५३ रन बनाए ।
मुम्बईका भिगनेसले ३ विकेट लिए। दिपक चाहार र विल ज्याक्सको नाममा समान एक विकेट रह्यो।
त्यसअघि मुम्बइले निर्धारित २० ओभरमा ९ विकेट गुमाउँदै १ सय ५५ रनको बनाएको थियो।
मुम्बइका लागि तिकल बर्माले बनाएको ३१ रन नै सर्वाधिक रह्यो। कप्तान सुर्यकुमार यादव २९ रन बनाउँदा आउट भए। नमन धिरले १७ र रायन रिकेन्टोनले १३ रन थपे। मिचेल सान्टनरले ११ रन बनाए।
चेन्नइका नुर अहमदले ४ विकेट लिए भने खलिल अहमदले चार ओभरमा २९ रन दिएर ३ विकेट झारे। नाथन एलिस र रविचन्द्रन अश्विनले समान एक विकेट लिए।
