काठमाडौं । नेपाली बजारमा बिहिबार सुनको मूल्यले नयाँ रेकर्ड बनाएको छ ।

आज सुन तोलामा १२ सय रुपैँयाले बढेर प्रतितोला एक लाख ८० हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । यो मुल्य हाल सम्मकै उच्च मुल्य हो । बुधबार सुन तोलामा एक लाख ७९ हजार १ सय रुपैयाँका कारोबार भएको थियो । 

यस्तै, आज चाँदीको मूल्य भने घटेको छ । आज चाँदी एक हजार ९९५ रुपैयाँमा कारोबार भइरहेको महासङ्घले जनाएको छ । बुधबार चाँदी २ हजार २० रुपैयाँमा कारोबार भएको थियो।