काठमाडौं । नेपाली राष्ट्रिय क्रिकेट टिमले कतारविरुद्ध टस जितेर पहिले बलिङ गर्दैछ ।
हङकङमा बुधबारदेखी सुरु भएको चार देशीय टी-२० सिरिजको पहिलो खेलमा नेपालले कतारविरुद्ध टस जितेर पहिले बलिङ गरेको हो ।
यस सिरिजमा आयोजक हङकङसहित नेपाल, कतार र कुवेत रहेका छन् । यस सिरिजका लागि रोहित पौडेल (कप्तान), कुशल भुर्तेल, आसिफ शेख, लोकेश बम, वसिर अहमद, दीपेन्द्रसिंह ऐरी, ललितनारायण राजवंशी, सोमपाल कामी, करण केसी, नन्दन यादव, रिजन ढकाल, गुल्शन झा, कुशल मल्ल र शहाब आलम खेलाडी हङकङ पुगेका छन ।
नेपालले आज कतारसँग, अप्रिल १० मा कुवेतसँग, अप्रिल १२ मा हङकङसँग खेल्ने तालिका रहेको छ । त्यस्तै अप्रिल १३ मा तृतीय स्थान र फाइनल हुने तालिका रहेको छ ।
