काठमाडौं । आजदेखि शुरु भएको चार देशीय टी–२० सिरिजमा नेपालले विजयी शुरुवात गरेको छ ।
बुधबार बिहान हङकङमा भएको सिरिजको पहिलो खेलमा नेपालले कतारलाई ८ विकेटले पराजित गरेको हो ।
१५२ रनको लक्ष्य पछाएको नेपालले १७ ओभरमा २ विकेट गुमाउदै लक्ष्य पुरा गरेको हो ।
नेपालका लागि कुशल भुर्तेलले ३८ रन बनाउँदा कप्तान रोहित पौडेलले ३७. आसिफ सेखले ३३ र बसिर अहमदले ३० रन बनाए । त्यस्तै कतारका बलर मुजीर उर् रेहमानले २ विकेट लिएका थिए ।
यस अघि टस हारेर पहिला ब्याटिंग गरेको कतारले २० ओभरमा ५ विकेट गुमाउदै १५१ रन बनाएको थियो।
कतारका लागी कप्तान इक्रामुल्लाह खानले सर्बाधिक ५४ रन बनाए भने शाहजैब जमिलले ३१, मुजीब उर रेहमानले २० रन र मोहमद इर्शादले १८ रन बनाए ।
नेपाली बलर करण केसी, सोमपाल कामी, नन्दन यादव, गुलशन झा र ललित राजबंशीले एक एक विकेट लिएका थिए ।
