काठमाडौं । नेपाली बजारमा शुक्रबार सुनको मुल्यले नयाँ रेकर्ड बनाएको छ ।
आज सुन तोलामा ३९ सय रुपैयाँले बढेर प्रतितोला एक लाख ८५ हजार रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । यो हाल सम्मकै उच्च मुल्य हो ।
बिहिबार सुन प्रतितोलामा एक लाख ८१ हजार १०० रुपैयाँमा कारोबार भएको थियो ।
त्यसैगरी शुक्रबार चाँदी मूल्य पनि बढेको छ । आज चाँदी एक हजार ९ सय ५ रुपैयाँमा कारोबार भइरहेको महासङ्घले जनाएको छ । बिहीबार चाँदी एक हजार ९ सय रुपैयाँमा कारोबार भएको थियो।
