काठमाडौं । जारी आईसीसी यू–१९ विश्वकप एसिया छनोटमा नेपालले आज अफगानिस्तानको सामना गर्दै छ ।
शनिबार तल्लो मुलपानी क्रिकेट मैदानमा हुने फाइनल खेल बिहान साढे ९ बजेदेखि शुरु हुनेछ ।
यस अघिका आफ्ना ३–३ खेलमा जित हासिल गरेर नेपाल र अफगानिस्तान विश्वकपमा छनौट हुन यो खेल खेल्दै छन् ।
समान अंक रहेपनि अफगानिस्तान नेट रनरेटमा नेपालभन्दा अगाडी रहेको छ । आजको खेल बर्षाले बाधक भएमा वा अंक बाड्नु पर्ने अवस्था आएमा अफगानिस्तान छनौट हुने छ ।
नेपाल र अफगानिस्तानसहित यूएई, हङकङ र ओमान छनोट प्रतियोगिता खेले पनि यूएई, हङकङ र ओमान छनौटको दौडबाट बाहिरिएका छन् ।
