काठमाडौं । जारी आइपीएलमा लखनउ सुपर जाइन्टले राजस्थान रोयल्सलाई पराजित गरेको छ ।
गएराती सम्पन्न खेलमा लखनउले राजस्थानलाई २ रनले पराजित गरेको हो ।
लखनउले दिएको १८१ रनको लक्ष्य पछाएको राजस्थानले २० ओभरमा ५ विकेट गुमाउदै १७८ रन बनाएपछि खेल लखनउले २ रनले जितेको थियो ।
राजस्थानका लागि यस्शवी जैसवालले सर्बाधिक ७४ रन बनाए भने कप्तान रियान परागले ३९ तथा १४ बर्षिय वैभव सुर्यबंशीले ३४ रन बनाएका थिए । सुर्यबंशीले यस खेलमा आइपिएल डेभ्यु गरेर सबैभन्दा कम उमेरमा आइपिएल खेल्ने नयाँ किर्तिमान बनाएका छन् ।
त्यस्तै लखनउकाया बलर आभेश खानले ३ विकेट लिए भने श्रदुल ठाकुर र एडन मार्क्रमले एक एक विकेट लिएका थिए ।
यस अघि टस जितेर पहिला ब्याटिंग गरेको लखनउले २० ओभरमा ५ विकेट गुमाउदै १८० रन बनाएको थियो । लखनउका लागि एडन मार्क्रमले ६६ रन बनाए भने आयुष बदानीले ५० र अब्दुल समादले ३० रन बनाएका थिए ।
यो जितपछि लखनउको ८ खेलमा १० अंक भएको छ र चौथो स्थानमा उक्लिएको छ । त्यस्तै राजस्थानको भने यो छैटौ हार हो । राजस्थानको ८ खेलमा २ जितसहित ४ अंक रहेको छ ।
