काठमाडौं । ललितपुर सिटी एफसीले लगातार दोस्रो पटक नेपाल सुपर लिग (एनएसएल) को उपाधि जितेको छ।
दशरथ रंगशालामा शनिबार पोखरा थन्डर्सलाई २-१ गोलले हराउँदै ललितपुर लगातार दोस्रो पटक च्याम्पियन बनेको हो।
ललितपुरको जितमा दुई विदेशी खेलाडी इमोह इजेकेल र पापा इबोउ केबेले एक एक गोल गरेका थिए हने पोखराका लागि एक गोल एनआरएन खेलाडी सुदिल राईले गरेका थिए ।
ललितपुरले यस सिजनमा अपराजित रहँदै उपाधि जितेको छ । दोस्रो सिजन अन्तिम ३ खेलमा अपराजित रहेको ललितपुर यस सिजन खेलेको ८ वटै खेलमा अपराजित रहेको छ ।
च्याम्पियन ललितपुरले नगद ८० लाख पुरस्कार प्राप्त गर्नेछ भने उपविजेता पोखराले ३० लाख पाउने आयोजकले बताएका छन् ।
