काठमाडौं । नेपाली बजारमा आइतबार सुनको मूल्य सामान्य बढेको छ ।
आज सुन प्रतितोला सय रुपैयाँले बढेर प्रतितोलाको एक लाख ८९ हजार ७ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
शुक्रबार सुन तोलाको एक लाख ८९ हजार ६ सय रुपैयाँमा कारोबार भएको थियो।
यस्तै, आज चाँदीको मूल्य भने घटेको छ । आज चाँदी १० रुपैयाँले घटेको हो । महासंघको अनुसार आज चाँदी एक हजार ९९० रुपैयाँमा कारोबार भइरहेको छ । शुक्रबार चाँदी दुई हजार रुपैयाँमा कारोबार भएको थियो।
आज प्रति १० ग्राम सुनको मूल्य एक लाख ६२ हजार ६३५ रुपैयाँ र प्रति १० ग्राम चाँदीको मूल्य एक हजार ७०६ रुपैयाँ कायम भएको छ ।
