काठमाडौं । आइसीसी महिला टी-२० विश्वकपको एशिया छनौटमा नेपाल हङकङ चाइनासँग पराजित भएको छ ।
थाइल्याण्डमा जारी खेलमा बर्षाले प्रभावित खेलमा नेपाल हङकङ चाइनासँग ७ विकेटले पराजित भएको हो ।
५-५ ओभर खेलाइएको खेलमा नेपालले दिएको ३० रनको लक्ष्य पछाएको हङकङ चाइनाले ४.३ ओभरमा ३ विकेट गुमाउदै लक्ष्य पुरा गरेको हो ।
त्यस अघि नेपालले टस हारेर ब्याटिंग गर्दै ५ ओभरमा ३ विकेट गुमाउदै २९ रन बनाएको थियो ।
यो जितपछि हङकङ चाइनाको ३ खेलमा ४ अंक भएको छ र समुह सी मा शिर्ष स्थानमा उक्लिएको छ । नेपालको भने ३ खेलमा ३ अंक रहेको छ र समुहमा दोस्रो स्थानमा रहेको छ ।
नेपालले अर्को खेल मे १५ मा बहराइनसँग खेल्ने तालिका रहेको छ ।
