काठमाडौं । आइसिसी टी–२० महिला विश्वकप एसिया छनोटको सुपर थ्रीको खेलमा यूएईले नेपाललाई ११५ रनको लक्ष्य दिएको छ ।
सोमबार बैंककस्थित टेर्डथाई क्रिकेट मैदानमा टस हारेर ब्याटिङ गरेको यूएईले २० ओभरमा ७ विकेट गुमाएर ११४ रन बनाएको हो । यूएईका लागि कप्तान इशा ओझाले ३९ बलमा सर्वाधिक ३९ रन बनाइन् ।
नेपालका लागि मनीषा उपाध्यायले सानदार बलिङ गर्दै चार ओभरमा २० रन दिएर महत्वपूर्ण चार विकेट लिइन् । कविता कुँवरले दुई तथा राजमति ऐरीले एक विकेट लिइन् ।
विश्वकप छनोटमा पुग्न नेपाललाई यो खेल जित्नैपर्ने दबाब छ ।
