काठमाडौं । प्रतिनिधिसभाको आजको बैठक सूचना टाँस गरेर स्थगित भएको छ ।
बैठक बुधबार बिहान ११ बजेसम्मका लागि स्थगित भएको हो ।
विपक्षी दलले बिरोध जारी राखेपछि सभामुखले आधा घण्टाका लागि संसद स्थगित गरेका थिए । त्यसपछि पनि सहमती जुट्न नसकेपछि बुधबार बिहानसम्मका लागि वैठक स्थगित गरिएको हो ।
प्रतिपक्षी दल माओवादी केन्द्र, रास्वपाले भिजिट भिसा प्रकरणमा गृहमन्त्री जोडिएको भन्दै संसदमा उच्चस्तरीय छानबिन आयोग गठनको माग गरेका हुन् ।
विवादित व्यक्तिलाई अध्यागनमा गरेको सरुवा र गृहमन्त्रीकै रमेश लेखकको निर्देशनमा भिजिट भिसाका नाममा मानवतस्करी भएको आरोप लागेको छ ।
