काठमाडौं । स्कटल्याण्डमा जारी त्रिकोणात्मक टी–२० सिरिजमा नेपालले पहिले बलिङ गर्दै छ ।
नेपालले आफ्नो पहिलो खेलमा नेदरल्याण्डस विरुद्ध टस जितेर पहिले बलिङ गर्ने भएको हो ।
स्कटल्याण्डमा हुने यो सिरिजको पहिलो खेलमा स्कटल्याण्डले नेदरल्याण्डसलाई पराजित गरेर विजयी शुरुवात गरेको छ ।
नेपाल र नेदरल्याण्डस अहिलेसम्म टी-२० खेलमा १३ पटक आमने सामने भएका छन् । जसमा नेदरल्याण्डस ७ खेलमा विजयी भएको छ भने नेपालले ५ खेल जितेको छ ।
आजको खेलमा रोहित पौडेल (कप्तान), दीपेन्द्रसिंह ऐरी (उपकप्तान), कुशल भुर्तेल, अनिल शाह, नन्दन यादव, ललित राजबंशी, करण केसी, रुपेश सिंह, लोकेस बम, सन्दीप लामिछाने र किरणकुमार ठगुन्ना रहेका छन् ।
