काठमाडौं । स्कटल्याण्डमा जारी त्रिकोणात्मक टी–२० सिरिजमा नेदरल्याण्डसले नेपाललाई १५३ रनको लक्ष्य दिएको छ ।
सोमबार जारी खेलमा टस हारेर पहिले ब्याटिङ गरेको नेदरल्याण्डसले २० ओभरमा ७ विकेट गुमाउँदै १५२ रन बनाएको हो ।
नेदरल्याण्डसका लागि तेजा निदामनुरुले ३५ रन बनाए भने विक्रमजित सिंगले ३०, सकिब जुल्फिकरले २५, माइकल लेभिटले २० रन बनाए ।
त्यसैगरी नेपालका लागि बलर सन्दीप लामिछानेले ३ विकेट लिए भने नन्दन यादवले २ विकेट लिए । ललित राजबंशी र कुशल भुर्तेलले एक एक विकेट लिएका थिए ।
