काठमाडौं । नेपालले जारी एसीसी यू-१६ इस्ट जोन कपमा लगातार दोस्रो जित हासिल गरेको छ ।
मंगलबार सम्पन्न दोस्रो खेलमा नेपालले जापानलाई ९ विकेटले हराउँदै जित निकालेको हो ।
जापानले दिएको ८१ रनको लक्ष्य पछाएको नेपालले १४.२ ओभरमा एक विकेट गुमाउदै लक्ष्य पुरा गरेको हो । नेपालका लागि प्रसिद्ध जैसीले अविजित ३३ र शिवांश बजगाईंले अविजित ३८ रन बनाए ।
त्यसअघि टस जितेर पहिला ब्याटिंग गरेको जापानले ३४.३ ओभरमा अल आउट हुदै ८० रन बनाएको थियो ।
जापानका लागि कप्तान चार्ली हाराहिन्जेले सर्बाधिक ३६ रन बनाए भने ग्याबी हाराहिन्जेले १३ रन बनाएका थिए ।
त्यसैगरी नेपाली बलर शुभम खनालले ५ विकेट लिए भने अभय यादवले २ तथा सुशील बहादुर रावल र कप्तान विपिन शर्माले एक एक विकेट लिएका थिए ।
