काठमाडौं । नेपाली राष्ट्रिय महिला फुटबल टिमले आज एएफसी महिला एसिया कप छनोटमा लाओसको सामना गर्दैछ ।

उज्बेकिस्तानमा हुने यो खेल नेपाली समय अनुसार साँझ ६:१५ बजेदेखि शुरु हुनेछ ।

फिफा वरियतामा लाओस नेपालभन्दा पछाडीको टिम हो । नेपाल हाल फिफाको महिला वरियताको सयौं स्थानमा छ भने लाओस १०७औं स्थानमा रहेको छ ।

यसैगरी नेपालले दोस्रो खेल जुलाई २ मा श्रीलंकासँग र जुलाई ५ मा उज्बेकिस्तानसँग खेल्ने तालिका रहेको छ ।

राष्ट्रिय टिमका मुख्य प्रशिक्षक प्याट्रिक डी वाइल्डले एएएफसी महिला एसियाली कप छनौट खेल्ने नेपाली राष्ट्रिय महिला फुटबल टिम २१ सदस्यीय टिम छानेका छन् ।  

नेपाली टोलीमा

गोलरक्षक : अञ्जिला तुम्बाप्पो सुब्बा, उषा नाथ र अन्जना राना मगर

डिफेन्डर : गीता राना, निशा थोकर, समीक्षा घिमिरे, मनमाया दमाइँ, प्रतीक्षा चौधरी, विमला विक, पूजा राना र अमृता जैसी

मिडफिल्डर : विमला चौधरी, अनिता बस्नेत, रेनुका नगरकोटे, प्रिति राई, सरु लिम्बू, सविता राना मगर र सरस्वती हमाल

फरवार्ड : सावित्रा भण्डारी ‘साम्बा’, रश्मिकुमारी घिसिङ, चन्द्रा भण्डारी, अनिता केसी र रेखा पौडेल ।