काठमाडौं । जारी एसीसी यू-१६ इस्ट जोन कपमा भुटानमाथी नेपालले शानदार जित निकालेको छ ।
मंगलबार मलेसियामा भएको खेलमा नेपालले भुटानलाई २९८ रनले हराएको हो ।
३५९ रनको लक्ष्य पछ्याएको भुटानले ३२.४ ओभरमा अलआउट हुँदै ६० रन मात्र बनाउन सक्यो ।
भुटानलाई अलआउट गराउन नेपालका लागि विपिन शर्माले ४ तथा सुयोग भट्टराई र सचिन भट्टले २-२ विकेट लिए ।
त्यस अघि टस जितेर पहिले ब्याटिङ गरेको नेपालले ५० ओभरमा ५ विकेट गुमाउँदै ३५८ रन बनाएको थियो ।
नेपालका लागि रौनक श्रीवास्तवले शतकीय पारी खेले । उनले १६८ रन बनाए भने जोय थापाले ६१ रन बनाउँदा शिवान्स बजगाईंले ५४ रन बनाए । सुगम बुढाथोकीले ३५ रन जोडे ।
कपमा चारै खेल जितेको नेपालले सेमिफाइनल खेल्ने पक्का भइसकेको छ ।
