काठमाडौं । साफ यू-२० महिला फुटबल च्याम्पियनसिपमा नेपालले आज अन्तिम खेलमा बंगालदेशको सामना गर्दैछ ।
सोमबार बंगलादेशको ढाकामा हुने खेलमा नेपालले उपाधि जित्न बंगलादेशविरुद्धको खेल जित्नै पर्नेछ । यो खेल नेपाली समय अनुसार साँझ ६:४५ बजेदेखि शुरु हुनेछ ।
हाल सम्म सम्पन्न ५-५ खेलपछि बंगलादेश अपराजित रहदै पाँचै खेल जितेर १५ अंकसहित शिर्ष स्थानमा रहेको छ भने नेपाल एक हार ब्यहोरर्दै ५ खेलमा १२ अंकसहित दोस्रो स्थानमा रहेको छ ।
नेपालले यस प्रतियोगिताका ५ खेलमा ३० गोल गरेको छ । र गोल अन्तरमा बंगलादेशभन्दा ६ गोलले अगाडी रहेकाले अन्तिम खेलमा बंगलादेशलाई पराजित गरेमा नेपालले उपाधि जित्ने छ ।
