काठमाडौं । राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा)ले बिहिबार पनि प्रतिनिधिसभाको बैठक बहिस्कार गरेका छन् ।
बिहिबार बसेको प्रतिनिधि सभाको बैठकमा रास्वपाका सांसद सांसद शिव नेपाली र राप्रपाका सांसद ध्रुव बहादुर प्रधानले आफ्नो धारणा राखेपछि बैठक बहिष्कार गरेका हुन् ।
सांसद नेपालीले लिपुलेकको जमिन रक्षा गर्न सरकार लाग्ने विश्वास व्यक्त गर्दै सत्तारुध दलले उपसभामुखलाई हटाउन खोजेर लोकतन्त्रको अपमान गरेको टिप्पणी गरे ।
भिजिट भिसा प्रकरणको छानबिनका लागि संसदीय विशेष छानबिन वा उच्चस्तरीय न्यायिक छानबिन नगरिएको भन्दै दुवै दलले केहि समयदेखी बैठक बहिस्कार गर्दै आएका छन् ।
