काठमाडौं । नेपालले वेस्ट इन्डिजविरुद्ध लगातार दोस्रो जित निकालेको छ ।
सोमबार राति युएईको शारजाह क्रिकेट मैदानमा भएको खेलमा नेपालले वेस्ट इन्डिजलाई ९० रनले पराजित गरेको हो ।
१७४ रनको लक्ष्य पछाएको वेस्ट इन्डिजले १७.१ ओभरमा अल आउट हुदै ८३ रन मात्र बनाउन सक्यो । नेपालकन लागि आदील आलमले ४ विकेट लिए भने कुशल भुर्तेलले ३ विकेट लिए ।
त्यसअघि टस जितेर पहिला ब्याटिङ गरेको नेपालले २० ओभरमा ६ विकेट गुमाउदैँ १७३ रन बनाएको थियो । नेपालका लागि आसिफ सेखले सर्बाधिक ६८ रन बनाए भने सन्दीप जोराले ६३ रन बनाए।
यो जितपछि नेपालले ३ खेलको सिरिज एक खेल अघिनै २-० ले जितेको छ । अब सिरिजको अन्तिम खेल मंगलबार राति हुनेछ ।
