काठमाडौं । समूह चरणको अन्तिम खेलमा जापानलाई हराउँदै नेपाल समुह विजेता बनेको छ ।
शुक्रबार भएको आईसीसी टी–२० विश्वकप एसिया तथा इस्ट–एशिया प्यासिफिक छनोट प्रतियोगिताको समूह चरणको अन्तिम खेलमा जापानलाई ५ विकेटले हराउँदै नेपाल विजयी भएको हो । १३२ रनको लक्ष्य पछाएको नेपालले १८ ओभरमा ५ विकेट गुमाउँदै लक्ष्य पुरा गरेको हो ।
नेपालका लागि आसिफ सेखले ३८ रन बनाउँदा गुलशन झाले अविजित २८ रन बनाए । त्यसैगरी कुशल भुर्तेलले २१ रन बनाए भने दिपेन्द्र सिंह ऐरीले १४ रन जोडे ।
त्यसअघि टस हारेर ब्याटिङ गरेको जापानले २० ओभरमा ८ विकेट गुमाउँदै १३१ रन बनाएको थियो । नेपालका लागि सन्दीप लामिछाने,गुलशन झाले २-२ विकेट लिए भने सोमपाल कामी र नन्दन यादवले एक एक विकेट लिएका थिए ।
यो जितसंगै नेपालले समुह बी मा दुवै खेल जितेर समुह विजेता हुदै २ अंक लिएर सुपर सिक्समा पुगेको छ ।
