काठमाडौं । सुपर सिक्सको खेलमा कतारलाई ५ रनले पराजित गर्दै नेपाल विजयी भएको छ ।
सोमबार राति भएको आइसीसी टी-२० विश्वकपको एसिया र इस्ट एसिया–प्यासिफिक क्षेत्रको छनौट प्रतियोगिता अन्तर्गत सुपर सिक्सको खेलमा नेपालले कतारलाई ५ रनले पराजित गरेको हो ।
१४८ रनको लक्ष्य पछाएको कतारले १९.५ ओभरमा अलआउट हुदै १४२ रन मात्र बनाएको हो । त्यस्तै नेपालका लागि सन्दीप लामिछानेले ५ विकेट लिए भने नन्दन यादवले २ विकेट लिए ।
यसअघि टस हारेर पहिला ब्याटिंग गरेको नेपालले २० ओभरमा ९ विकेट गुमाउदै १४७ रन बनाएको थियो ।
नेपालका लागि कप्तान रोहित पौडेलले ५८ रन बनाए भने दिपेन्द्र सिंह ऐरीले २६ रन बनाए । त्यसैगरी गुलशन झाले १६ रन बनाउँदा आसिफ सेखले ११ रन जोडे ।
