काठमाडौं । आइसीसी विश्वकप क्रिकेट लिग–२ मा नेपाललाई ५ विकेटले हराउँदै युएई विजयी भएको छ ।
२३४ रनको लक्ष्य पछाएको युएईले ४३.३ ओभरमा ५ विकेट गुमाउँदै लक्ष्य पुरा गरेको हो ।
त्यसैगरी नेपाली बलर सन्दीप लामिछानेले २ विकेट लिए भने करण केसी र दिपेन्द्र सिंह ऐरीले एक-एक विकेट लिएका थिए ।
यसअघि टस जितेर युएईविरुद्ध पहिले ब्याटिङ गरेको नेपालले ५० ओभरमा सबै विकेट गुमाउँदै २३३ रन बनाएको थियो ।
नेपालका लागी कप्तान रोहित पौडेलले शतक बनाउँदै १०९ रन बनाए । त्यसैगरी आसिफ सेखले ३५ रन बनाउँदा आरिफले २७ रन बनाए भने दिपेन्द्र सिंह ऐरीले २३ रन जोडेका थिए ।
