काठमाडौं । नेपाल प्रिमियर लिग (एनपीएल) दोस्रो सस्करणको खेल तालिका सार्वजनिक भएको छ ।
मंसिर १ गतेदेखी सुरु हुने एनपिएलको सोमबार खेल तालिका सार्वजनिक गरिएको हो । तालिकाअनुसार पहिलो खेल मंसिर १ गते जनकपुर बोल्ट्सले काठमाडौं गोर्खाजविरुद्ध खेल्ने छ ।
यो खेल दिउँसो ४ बजे हुनेछ । त्यसैगरी दोस्रो खेल मसिंर २ गते बिहान चितवन रानोजले कर्णाली याक्ससंग खेल्नेछ ।
यसरी मंसिर २७ गतेसम्म हुने यस लिगमा आठ फ्रेन्चाइज टिमहरुको सहभागीता हुनेछ । यतिबेला सबै टिमहरु अभ्यासमा र विदेशी खेलाडीहरु भित्राउने तयारीमा छन् ।
