काठमाडौं । नेपाल प्रिमियर लिग (एनपीएल) को दोस्रो संस्करणको खेलहरू कान्तिपुर म्याक्स टेलिभिजनबाट पनि प्रत्यक्ष प्रसारण गरिने भएको छ।
आइतबार नेपाल क्रिकेट संघ (क्यान) ले सोमबारदेखि सुरु हुने सबै एनपीएलका खेलहरू कान्तिपुर म्याक्स मार्फत लाइभ हेर्न सकिने जानकारी दिएको हो।
यसअघि क्यानले डिसहोम गो एप बाट समेत खेलहरू प्रसारण गर्ने निर्णय गरिसकेको छ।
कीर्तिपुरको टियु क्रिकेट मैदानमा हुने यस लिगको उद्घाटन खेलमा जनकपुर बोल्ट्स र काठमांडु गोर्खाज भिड्नेछन् । यो खेल सोमबार अपराहन्न ४ बजे सुरु हुनेछ ।
