काठमाडौं । नेपाल प्रिमियर लिग (एनपीएल) दोस्रो संस्करणमा कर्णाली याक्सलाई हराउँदै चितवन राइनोज विजयी भएको छ ।
मंगलबार कीर्तिपुरस्थित त्रिवि अन्तर्राष्ट्रिय क्रिकेट रंगशालामा भएको खेलमा चितवन राइनोजको कर्णालीलाई ४ विकेटले हराएको हो । १६७ रनको लक्ष्य पछाएको चितवनले १९.१ ओभरमा ६ विकेट गुमाउँदै लक्ष्य पुरा गरेको हो ।
चितवनको जितमा रवि बोपाराले ५२ रन बनाए भने दीपक बोहोराले ४२ रन बनाउँदा सैफ जैबले ३८ रन जोडे ।
यसअघि टस हारेर पहिला व्याटिङ गरेको कर्णालीले कर्णालीले निर्धारित २० ओभरमा ३ विकेटको क्षतिमा १६६ रन बनाएको थियो ।
कर्णालीका लागी प्रियांक पंचलले सर्बाधिक ९० रन बनाए । त्यसैगरी सराफले २७ रन बनाए भने मार्क वाटले १६ रन जोडे ।
चितवनका रवि बोपारा, सैफ अली जैब र सोहेल तनभीरले एक(एक विकेट लिए ।
