काठमाडौं । भारत र श्रीलङ्कामा सन् २०२६ मा हुने आईसीसी टी–२० विश्वकपका लागि खेल तालिका सार्वजनिक भएको छ।
मंगलबार आईसीसीले २० वटा देशलाई चार समूहमा राखेर खेल तालिका सार्वजनिक गरेको हो। तालिकाअनुसार नेपाल समूह ‘सी’ मा रहेको छ । नेपालका सबै खेल भारतको मुम्बईमा हुनेछन् ।
समूह ‘सी’ मा वेस्ट इन्डिज, इङ्ल्यान्ड, बङ्गलादेश र इटाली छन् । नेपालको पहिलो खेल फेब्रुअरी ८ मा इङ्ग्ल्यान्डसँग हुनेछ भने दोस्रो खेल फेब्रुअरी १२ मा इटाली, तेस्रो फेब्रुअरी १५ मा वेस्ट इन्डिज र चौथो फेब्रुअरी १७ मा बङ्गलादेशसँग हुनेछ ।
प्रतियोगिता फेब्रुअरी ७ देखि मार्च ८ सम्म सञ्चालन हुनेछ।
