काठमाडौं । नेपाल प्रिमियर लिग (एनपीएल) दोस्रो संस्करणमा चितवन राइनोजलाई हराउँदै जनकपुर बोल्ट्स विजयी भएको छ ।
मंगलबार त्रिवि क्रिकेट मैदान कीर्तिपुरमा भएको पहिलो खेलमा चितवन राइनोजलाई ६ विकेटले हराउँदै जनकपुर विजयी भएको हो । यस संस्करणमा जनकपुरको यो पहिलो जित हो ।
१७७ रनको लक्ष्य पछाएको जनकपुरले १७.३ ओभरमा ४ विकेट गुमाउँदै लक्ष्य पुरा गरेको हो । जनकपुरको लागी अनिल शाहले ६१ रन बनाए भने माज सदाकतले ६३ रन बनाउँदा आसिफ सेखले १८ जोडे ।
यसअघि चितवनले २० ओभरमा ४ विकेट गुमाउँदै १७६ बनाएको थियो ।
