काठमाडौं । नेपाल प्रिमियर लिग (एनपीएल) अन्तर्गत सुदूरपश्चिम रोयल्सले छैटौं जित निकालेको छ ।
बिहीबार भएको खेलमा सुदूरपश्चिम रोयल्सले उत्कृष्ट प्रदर्शन गर्दै चितवन राइनोजलाई ४९ रनको फराकिलो अन्तरले पराजित गरेको हो ।
१७० रनको लक्ष्य पछ्याएको चितवन १७.१ ओभरमै अलआउट हुँदै १२० रनमा सीमित भयो। चितवनका लागि रवि बोपाराले २९ रन बनाए भने देव खनालले २८, अर्जुन साउदले १६ र कप्तान कुशल मल्लले १५ रन जोडे।
बलिङतर्फ सुदूरपश्चिमका पुनीत मेहराले प्रभावशाली बलिङ गर्दै ३ विकेट लिए। उनीसहित दिपेन्द्र सिंह ऐरी, अविनाश बोहोरा र इशान पाण्डेले एक–एक विकेट हात पारे।
यस अघि टस हारेर पहिले ब्याटिङ गरेको सुदुरपश्चिमले निर्धारित २० ओभरमा ४ विकेट गुमाएर १६९ रन बनाएको थियो । सुदूरपश्चिमका लागि ओपनर क्रिस लिनले सर्वाधिक ७५ रन बनाउन सफल भए । ओपनर विनोद भण्डारी २१, इशान पाण्डे १, पुनिट मेहरा १३, हर्मित सिंह १ रनमा आउट भए ।
