काठमाडौं । आजको राशिफल बि.स २०८२ माघ २३ गते शुक्रवार ई.स २०२५ फेब्रुअरी ६ नेपाल सम्बत ११४६ सिल्लागा पञ्चमी , सिद्धार्थि नाम संवत्सर सूर्य दक्षिणायनं, शिशिर ऋतु, फागुन कृष्ण पञ्चमी, चन्द्रमा कन्या राशिमा, हस्ता नक्षत्र, धृति योग, कौलव करण । आज सुर्योदय बिहान ६ बजेर ४९ मिनेटमा भएको छ भने सूर्यास्त साँझ ५ बजेर ४८ मिनेटमा हुनेछ ।
आजको राशिफल
मेष राशि
पुरानो लगानी वा प्रयासबाट न्यायसंगत लाभ प्राप्त हुने सम्भावना छ। तर पारिवारिक सम्बन्धमा केही कटुता आउन सक्छ। वरिष्ठ वा अभिभावकको सल्लाह बेवास्ता गर्दा कार्यमा अवरोध उत्पन्न हुन सक्ने भएकाले संयम अपनाउनु उचित हुनेछ।
वृष राशि
बौद्धिक तथा सृजनात्मक क्षेत्रमा सम्मान प्राप्त हुनेछ। पारिवारिक सम्बन्धमा सुधार आउनेछ भने उद्योग वा व्यवसायमा गरिएको लगानी लाभदायक सिद्ध हुनेछ।
मिथुन राशि
नयाँ कार्यको सुरुवातका लागि अनुकूल समय छ। अधुरा कामहरू पूरा हुनेछन् र मनोबल उच्च रहनेछ। ऊर्जा र उत्साहले नयाँ दिशा प्रदान गर्नेछ।
कर्कट राशि
आर्थिक पक्ष मजबुत बन्नेछ। पारिवारिक सहयोग प्राप्त हुनेछ। आलोचना वा चुनौतीका परिस्थितिमा पनि आत्मबल र दक्षताले सफलता दिलाउनेछ।
सिंह राशि
निर्णयमा सावधानी आवश्यक देखिन्छ। अत्यधिक जोखिम लिनु उचित नहुन सक्छ, किनभने मित्र वा सहकर्मीहरूसँग असमझदारी बढ्न सक्छ। खर्च बढ्ने सम्भावना छ ।
कन्या राशि
आम्दानीका नयाँ स्रोतहरू खुल्नेछन्। साझेदारी वा सट्टापट्टाबाट लाभ प्राप्त हुनेछ। व्यावसायिक क्षेत्रमा उन्नतिको स्पष्ट अवसर देखा पर्न सक्छ।
तुला राशि
कम लाभदायक जिम्मेवारी सम्हाल्नुपर्ने परिस्थिती आउन सक्छ, तर आत्मबल र क्षमता प्रयोग गर्न सकियो भने सामाजिक क्षेत्रमा नेतृत्व हासिल गर्न सकिनेछ। प्रभावशाली व्यक्तिहरूसँग सम्बन्ध विस्तार हुनेछ
वृश्चिक राशि
अघिल्ला बाधा र अवरोध हट्दै कार्यहरू पूर्ण हुनेछन्। नयाँ जिम्मेवारी तथा अवसर प्राप्त हुने सम्भावना छ। दीर्घकालीन सफलताका लागि अनुशासन र निरन्तरता आवश्यक देखिन्छ।
धनु राशि
कठोर परिश्रमको उचित प्रतिफल प्राप्त हुनेछ। व्यापार, पेशा वा जागिरमा लाभदायक परिणाम मिल्नेछ। पारिवारिक वातावरण सहयोगी रहनेछ र मानसिक सन्तुलन कायम रहन मद्दत पुर्याउनेछ।
मकर राशि
शैक्षिक तथा बौद्धिक उन्नतिको अवसर प्राप्त हुनेछ। व्यवसायिक प्रयोजनका लागि यात्रा सम्भव देखिन्छ। खर्च बढे पनि लगानी प्रेरणादायक हुनेछ।
कुम्भ राशि
मनोबलमा केही उतारचढाव आउन सक्छ। जिम्मेवारी र प्रतिस्पर्धाको दबाब रहनेछ। यद्यपि धैर्य र रणनीतिक सोचले कठिनाइबीच पनि आफ्नो अधिकार र स्थान जोगाउन सफल बनाउनेछ।
मीन राशि
सामाजिक प्रतिष्ठा र सम्मानमा वृद्धि हुनेछ। सेवामूलक कार्यप्रति रुचि बढ्नेछ। आकस्मिक खर्च बढे पनि पारिवारिक समर्थन र साथले मनोबल बलियो रहनेछ।
