काठमाडौं । नेपाल साफ महिला च्याम्पियनसिपको सेमिफाइनलबाट बाहिरिएको छ ।
बुधबार भारतको गोवामा भएको खेलमा नेपाल बंगलादेशसँग २-१ गोल अन्तरले पराजित भएको हो ।
पहिलो हाफ १-१ को बराबरीमा सकिएको खेलमा बंगलादेशले दोस्रो हाफको अन्त्यतिर निर्णायक गोल गर्दै फाइनल यात्रा तय गरेको हो ।
नेपालले खेलको २३औं मिनेटमा गीता रानाको गोलमार्फत अग्रता लिएको थियो । तर, पहिलो हाफको इन्जुरी समयमा बंगलादेशले बराबरी गोल फर्काएको थियो ।
