काठमाडौँ । जारी फिफा विश्वकपअन्तर्गत समूह ‘जे’ को खेलमा अर्जेन्टिनाले अस्ट्रियालाई २–० ले पराजित गर्दै नकआउट चरणमा आफ्नो स्थान पक्का गरेको छ।
अर्जेन्टिनाको जितमा कप्तान लियोनेल मेस्सी नायक बने। उनले खेलको ३८औँ मिनेटमा गोल गर्दै टोलीलाई अग्रता दिलाएका थिए। त्यसपछि इन्जुरी समयमा अर्को गोल थप्दै उनले अर्जेन्टिनाको जित सुनिश्चित गरे।
यस खेलसँगै मेस्सीले विश्वकप इतिहासमा नयाँ कीर्तिमान पनि कायम गरेका छन्। उनका विश्वकपमा गोलको संख्या १८ पुगेको छ, जुन प्रतियोगिताको इतिहासमा कुनै पनि खेलाडीले गरेको सर्वाधिक गोल हो। उनले जर्मनीका पूर्व स्ट्राइकर मिरोस्लाभ क्लोजेको १६ गोलको पुरानो कीर्तिमानलाई पछि पारेका हुन्।
लगातार उत्कृष्ट प्रदर्शन गरिरहेको अर्जेन्टिनाले यस जितसँगै अन्तिम ३२ मा स्थान बनाउँदै उपाधि यात्रालाई थप मजबुत बनाएको छ।
