एजेन्सी । स्पेनिस ला लिगा फुटबमा साविक विजेता एथ्लेटिको मड्रिडले सानदार जित निकालेको छ  । एथ्लेटिकोले आइतबार राति भएको खेलमा रियल बेटिसलाई ३-० गोलले हराएको हो । 

घरेलु मैदान वान्डा मेट्रोपोलिटानोमा भएको खेलमा एथ्लेटिकोलाई जिताउन यानिक करास्को र जाओ फेलिक्सले एक–एक गोल गरे । एथ्लेटिकोले एउटा आत्मघाती गोल उपहारमा पाएको थियो । बेटिसका जर्मन पेजेलाले आफ्नै पोस्टमा गोल गरेका थिए । 

उक्त जितसँगै एथ्लेटिको ११ खेलमा २२ अङ्क जोड्दै चौथो स्थानमा उक्लिएको छ । बेटिस भने २१ अङ्कका साथ पाँचौँ स्थानमा छ ।