पुस २ काठमाडौं । राजधानीमा जारी कतार एयरवेज सहिद स्मारक ए डिभिजन लिग फुटबल प्रतियोगिता २०७८ अन्तर्गत पाँचौं चरणको दोस्रो खेलमा मछिन्द्र फुटबल क्लब र संकटा फुटबल क्लबले गोलरहित बराबरी खेलेका छन् ।
खेलमा दुबै टोलीले केही राम्रो अवसर सिर्जना गरेता पनि गोल भने गर्ने सकेनन् । उक्त बराबरी सँगै ५ खेलबाट ११ अंक बनाउँदै मछिन्द्र शीर्ष स्थानमा यथावत् रहेको छ । त्यस्तै संकटा पनि समान खेलबाट ९ अंक बनाउँदै चौथो स्थानमा उक्लिएको छ ।
