एजेन्सी । स्पेनीस ला लिगा फुटबलमा क्याटलान क्लब बार्सिलोना १० खेलाडीमा सीमित सेभिल्लासँग बराबरीमा रोकिएको छ ।
मंगलबार राति भएको खेलमा बार्सिलोना घरेलु टोली सेभिल्लसँग १-१ गोलको बराबरीमा रोकिँदै अंक बाँडन बाध्य भएको हो । खेलमा अग्रता एलेजान्द्रो गोमेजको गोलमा सेभियाले ३२औं मिनेटमा बनायो । उनले पूर्वबार्सिलोनाका खेलाडी इभान राकिटिकको पास सदूपयोग गरे ।
त्यस्तै खेलको ४५औं मिनेटमा औसमाने डेम्बेलेको पासमा रोनाल्ड अरौजोले गोल गर्दै पाहुना टोली बार्सिलोनालाई बराबरीमा अवस्थामा ल्याए । त्यसपछि खेलको ६४औं मिनेटमा घरेलु टोली सेभिल्ला १० खेलाडीमा सिमित भयो । उसका जुल्स कोउन्डेले सिधै रातो कार्ड ब्यहोरेका थिए ।
पछिल्लो समय बार्सिलोनाले खराब प्रदर्शन गरिरहेको छ भने सेभिल्ला भने उच्च प्रदर्शन गर्दै उपाधि दाबेदारी प्रस्तुती दिरहेको छ ।
उक्त बराबरीसँगै सेभिल्ला १८ खेलबाट ३८ अंकसहित दोस्रो स्थानमा छ । यता, बार्सिलोना समान खेलबाट २८ अंकसहित सातौं स्थानमा छ । गय राति नै भएको भिल्लारियलले डिपोर्टिभो अलाभेसलाई ५-२ अन्तरले पराजित गरेको छ ।
