पुस ९ काठमाडौं । जारी कतार एयरवेज सहिद स्मारक ए डिभिजन लिग फुटबल प्रतियोगिता २०७८ अन्तर्गत नेपाल पुलिस क्लब र फ्रेण्ड्स क्लबले अंक बाढेका छन् ।
त्रिपुरेश्वरस्थित दशरथ रंगशालामा शुक्रवार भएको दोस्रो खेलमा दुवै टोलीले पाएको अवसर सदुपयोग गर्न नसकेपछि गोलरहित बराबर खेल्दै अंक बाढेका हुन् ।
उक्त बराबरपछि पुलिस ६ अंक सहित आठौं स्थानमा उक्लिएको छ । यता फ्रेन्ड्स भने ३ अंकसहित पुछार तथा रेलिगेसन जोनमै रहेको छ ।
आजनै भएको पहिलो खेलमा एपीएफ र एन आर टीले ३-३ गोलको बराबरी खेल्दै अंक बाढेका हुन् । लिगमा १४ टोलीले प्रतिस्पर्धा गरिरहेका छन् । पुछारका दुई टोली रेलिगेसनमा पर्नेछ । जारी लिगमा मनाङ मर्स्याङ्दी क्लब शीर्षस्थानमा छ ।
