पुस १८ काठमाडौं । जारी कतार एयरवेज सहिद स्मारक ए डिभिजन लिग फुटबल प्रतियोगिता २०७८ अन्तर्गत सातौं राउन्डको खेलमा मछिन्द्र फुटबल क्लब विजयी भएको छ ।
उक्त जितसँगै मछिन्द्रले एएफसी कपको छनोट खेल खेल्न भएको छ ।
आइतबार त्रिपुरेश्वरस्थित दशरथ रंगशालामा भएको खेलमा मछिन्द्र फुटबल क्लबले नेपाल पुलिस क्लबमाथि १-० गोलको कठिन जित निकालेको हो ।
मछिन्द्रको जितमा सुनिल बलले गरेको एक मात्र गोल नै निर्णयक बन्यो । उनले खेलको २२औं मिनेटमा गोल गरेका थिए । जारी लिगमा सुनिलको यो पाँचौं गोल हो । उनी सर्वाधिक गोलकर्ताको शीर्षस्थानमा छन् ।
गत सिजन मछिन्द्र लिग च्याम्पियन भए पनि एएफसी क्लब लाइसेन्स नहुँदा त्यसबाट वञ्चित भएको थियो । क्लब लाइसेन्स पाएको दोस्रो स्थानको आर्मीले सोही प्रतियोगितामा स्थान बनाएको थियो ।
उक्त जितसँगै मछिन्द्रले एएफसी कपको छनोट खेल खेल्न भएको छ । उसले ७ खेलमा १७ अंक बनाएउँदै शीर्ष स्थानमा उक्लिएको हो ।यता नेपाल पुलिसको भने समान खेलबाट ६ अंकसहित १०औं स्थानमा रहेको छ ।
