एजेन्सी । इंग्लिस प्रिमियर लिग फुटबलमा शीर्ष टोली म्यानचेस्टर युनाइटेड रेलिगेशन जोनमा रहेको बर्नलीसँग बराबरीमा रोकिएको छ ।
मंगलबार राति बर्नलीको घरेलु मैदानमा भएको खेलमा सुरुवाती अग्रता जोगाउन नसक्दा युनाइटेड १-१ को बराबरीमा रोकिएको छ ।
खेलको १८औं मिनेटमा पाउलो पोग्वाले गरेको गोलसंगै युनाइटेडले अग्रता बनाएको थियो । तर घरेलु टोलीका जय रोड्रिगुयजले ४७औं मिनेट बराबरी गोल गर्दै टोलीको संकट टारे ।
त्यस्तै दोस्रो हाफको खेलको ६८औं मिनेट क्रिष्टियानो रोनाल्डो मैदान प्रवेश गरे पनि थप गोल भने हुन सकेन ।
उक्त बराबरीसँगै युनाइटेड २३ खेलबाट ३९ अंकसहित पाँचौं स्थानमा छ । बर्नली भने २० खेलबाट १४ अंक सहित पुछारमा रहेको छ ।
राति नै भएको खेलमा न्युक्यासल युनाइटेडले एभर्टनलाई ३-१ तथा वेस्ट ह्याम युनाइटेडले वाट्फोर्डलाई १-० ले पराजित गर्दै शीर्ष चारमा उक्लियो । लिगमा २३ खेलबाट ५७ अंक सहित म्यान्चेस्टर सिटी शीर्ष स्थानमा रहेको छ ।
