एजेन्सी । युरोपको सबैभन्दा ठूलो क्लब फुटबल प्रतियोगिता युइएफए च्याम्पियन्स लिगमा पोर्चुगलको स्पोर्टिङ सीपीविरूद्धको ५-० अन्तरको जितसँगै इंग्लिस क्लब म्यानचेस्टर सिटी क्वाटरफाइनल नजिक रहेको छ ।
बुधबार बिहान भएको पहिलो लेगको नतिजासँगै सिटी प्रि क्वाटर फाइनलमा सहज जिततर्फ उन्मुख भएको छ । सिटीको जितमा बर्नाण्डो सिल्भाले २ तथा रियाद मेहराज, फिल फोडेन र रहिम स्टर्लिङले १/१ गोल गरे ।
सुरुवाती मिनेटबाटै अट्याकिङ खेल खेलेको सिटीले सातौं मिनेटमै अग्रता बनाएको थियो । उसले पहिलो हाफमा ४ गोल गर्दा दोस्रो हाफमा १ गोल गरेको हो । अब दोस्रो लेग १० मेमा सिटीको घरेलु मैदान इतिहाद रंगशालामा हुनेछ ।
