एजेन्सी । स्पेनिस ला लिगा फुटबलमा एट्लेटिको मड्रिडले आफ्नो खराब लय कायम राख्दा रेलिगेशन जोनको लेभान्टेसंग १-० अंन्तरले पराजित भएको छ । 

बुधबार राती एट्लेटिको घरेलु मैदानमै पराजित हुन पुग्यो । पाहुना टोली लेभान्टेका गोन्जालो मारेलोले खेलको ५४औं मिनेटमा गरेको गोल निर्णायक बन्दा एट्लेटिकोले सिजनको सातौं हार बेहोरेको हो । 

उक्त हारसंगै २४ खेलबाट ३९ अंक जोडेको एट्लेटिको पाचौं स्थानमा छ । २४ खेलबाट १४ अंक बनाएको लेभान्ते पुछारमा छ ।