चैत १३ झापा । मानेभञ्ज्याङ फुटबल क्लब दार्जिलिङ झापाको दमकमा जारी दमक गोल्डकप फुटबल प्रतियोगिता २०७८ को अन्तिम चारमा प्रवेश गरेको छ ।
आइतबार भएको खेलमा त्रिभुवन आर्मी फुटबल क्लबलाई ४-० ले पराजित गर्दै मानेभञ्ज्याङले अन्तिम चारमा आफ्नो स्थान पक्का गरेको हो । मानेभञ्ज्याङको जितमा राकेश सिंहले दुई गोल गरे भने, जेरी पुलामी र विमल कुमारले १/१ गोल गरे ।
आइतबारको खेलको म्यान अफ दि म्याच विजयी टोली मानेभञ्ज्याङका राकेश सिंह भए । उनले नगद दश हजार रुपैयाँ प्राप्त गरे । सोमबारको अन्तिम क्वाटरफाइनल खेल विभागीय टोली नेपाल पुलिस क्लब र विदेशी टोली क्यामरुनको एमिनियर फुटबल क्लबबीच हुने आयोजक दमक नगर खेलकुद विकास समितिले जानकारी दिए ।
