एजेन्सी । फ्रेन्च लिग वान फुटबल प्रतियोतामा आज राति उपाधिको दाबेदार टोली पेरिस सेन्टर जर्मन (पीएसजीले) ब्रेस्टसँग जारी सिजनको तेस्रो खेलमा प्रतिस्पर्धा गर्दैछ । नेपाली समयअनुसार १२ः४५ बजेबाट सुरु हुने खेल ब्रेस्टको घरेलु मैदान स्टेड फ्रान्सिस ले ब्लेमा हुनेछ ।
आज हुने खेलमा पीएसजीले आफ्ना सुपरस्टार लियोनल मेस्सीको बहुप्रतीक्षित डेब्यूबारे निर्णय गरिनसकेको बताएको छ । ३४ वर्षीय अर्जेन्टिनी कप्तान मेस्सी बार्सिलोनाबाट गत साता मात्रैपीएसजीमा अनुबन्ध भएका थिए ।
मेस्सीले गत महिना कोपा अमेरिका जितेयता कुनै खेल खेलेका छैनन् । तर पीएसजीबाट पर्याप्त प्रशिक्षण गरिसकेका छन् । त्यस्तै रियलका पूर्व कप्तान सर्जियो रामेसले पनि आजको खेलबाट डेब्यू गर्न सम्भावना रहेको छ ।
यस नयाँ सिजनमा पीएसजीले दुई खेल जितिसकेको छ भने ऊ तेस्रो जितको खोजीमा हुनेछ । हाल उसको ६ अंकसति तालिकाको तेस्रो स्थानमा रहेको छ । यता घरेलु टोली ब्रेस्टको भने समान खेलबाट अंक विहनि हुदै १२औं स्थानमा रहेको छ ।
