एजेन्सी । अन्तर्राष्ट्रिय मैत्रीपूर्ण खेलमा ब्राजिलले दक्षिण कोरियालाई हराएको छ ।
साउलको संगम वर्ल्ड स्टेडियममा बिहिवार भएको खेलमा ब्राजिलले घरेलु टोलीलाई ५-१ गोल अन्तरले हराएको हो ।
ब्राजिलको जितमा नेयमारले दुई गोल गरे । ती दुवै गोल पेनाल्टीमा सम्भव भएका थिए ।खेलमा अग्रता ब्राजिलले सातौं मिनेटमा रिचरलिसनको गोलमा लिएको थियो । घरेलु टोलीले ३१ औं मिनेटमा बराबरी गोल फकायो । ह्वाङ हि चेनले दक्षिण कोरियाका लागि बराबरी गोल गरेका थिए ।
नेयमारले ४२औं मिनेटमा पेनाल्टीमा गोल गर्दै ब्राजिललाई पहिलो हाफमा २-१ ले अघि बढाए । दोस्रो हाफको ५७औं मिनेटमा नेयमारले पेनाल्टीमै गोल गर्दै ब्राजिललाई ३-१ ले अघि बढाए । फिलिप कौटिन्होले ८०औं मिनेटमा ब्राजिलका लागि चौथो गोल गरे ।
दोस्रो हाफको इन्जुरी समयमा जिसस ग्याब्रियलले गोल गर्दै दक्षिण अमेरिकी देशलाई फराकिलो जीत दिलाए । फिफा वरियताको शीर्ष स्थानमा रहेको ब्राजिल दक्षिण अमेरिकी क्षेत्रबाट विश्वकपमा छनोट हुने पहिलो देश बनेको थियो ।
